Wedi’i sefydlu yn 2021, mae Ymddiriedolaeth Feicio Geraint Thomas (GTCT) yma fel y gall pob person ifanc gymryd rhan mewn beicio a mwynhau ysbryd y gamp, waeth beth fo’u hamgylchiadau unigol.
Mae beicio yn cael ei gydnabod fel grym er daioni heddiw, yn fwy nag erioed. Yn ogystal â bod yn llesol i iechyd corfforol a meddyliol, mae beicio’n helpu i adeiladu cryfder, annibyniaeth a hyder; mae’n rhoi cyfle i deuluoedd ymarfer gyda’i gilydd ac mae’n ffordd wych o wneud ffrindiau. Mae beicio hefyd yn cyfrannu’n gadarnhaol at dargedau’r Llywodraeth o deithio mwy egnïol, sydd yn ei dro yn helpu’r amgylchedd.
Ond er yr holl fuddion hyn, mae dal i fod llawer o rwystrau sy’n atal pobl ifanc rhag cymryd rhan yn y gamp. Mae’r rhain yn cynnwys costau prynu beic ac offer diogelwch sylfaenol, diffyg sgiliau i atgyweirio beiciau a phrinder lle i storio offer. Mae’r diffyg gwybodaeth am sut i reidio’n ddiogel yn ogystal â mynediad i gyfleoedd i bobol ifanc wneud hynny yn rhwystrau pellach. Mae hefyd angen ehangu beicio i gynulleidfa fwy amrywiol, gan sicrhau fod cyfle gan bobl ifanc o bob cefndir cymdeithasol a’r holl nodweddion gwarchodedig i gymryd rhan. A dyma pam y sefydlwyd Ymddiriedolaeth Feicio Geraint Thomas (GTCT).
![](https://www.thegtct.co.uk/app/uploads/sites/3/2020/10/casestudies.png)
Beth ydyn ni’n mynd i’w wneud?
• Byddwn ni’n darparu cronfa gymorthdal a rhaglen gymorth i bobl ifanc.
• Byddwn ni’n gweithio mewn partneriaeth â sefydliadau beicio eraill i hyrwyddo beicio.
• Byddwn ni’n datblygu rhwydwaith o fentoriaid cymunedol gwirfoddol i gefnogi cyfranogiad pobl ifanc o fewn y gamp.
• Byddwn ni’n partneru â sefydliadau, clybiau ac ysgolion lleol fydd yn gallu gwneud ceisiadau ac atgyfeiriadau am gefnogaeth gennym ni.
• Byddwn ni’n gweithio gydag eraill o fewn y sector beicio, gan gynnwys sefydliadau fel Beicio Cymru, manwerthwyr ac elusennau eraill.
![](https://www.thegtct.co.uk/app/uploads/sites/3/2020/11/shutterstock_1296494377.png)
Sut fydd yr Ymddiriedolaeth yn gweithredu
Mae’r Ymddiriedolaeth wedi’i sefydlu er mwyn gweithredu rhaglen grantiau, gan ddarparu pecyn cymorth i unigolion a sefydliadau pobl ifanc hyd at 18 oed yng Nghymru a Lloegr.
![](https://www.thegtct.co.uk/app/uploads/sites/3/2020/10/helpus.png)
Cysylltwch â’r GTCT
I ddysgu mwy am y bobl sy’n ymwneud â’r Ymddiriedolaeth, gallwch ymweld â’r dudalen ‘Ein Hymddiriedolwyr’ neu os hoffech chi gymryd rhan, anfonwch e-bost atom – info@gtct.co.uk